-- ADVERTISEMENT --
Ginkumpirmar sang station commander sang Philippine Coast Guard-Negros Occidental nga wala sang ano man nga maritime incident nga natabo kadungan sang pagwaswas ni Bagyo Ursula sa Negros Occidental.
Sa interview sang Bombo Radyo Bacolod kay Lt. Commander Jansen Benjamin, ginpahayag sini nga nagakalipay gid sila nga wala sang ano man nga aksidente sa dagat nga nareport.
Dugang pa ni Benjamin, nagbalik na ang biyahe sang mga fastcraft kag roro vessels matapos ma-lift ang storm signal alas-5:00 kahapon.
Suno pa sa station commander nga gilayon nga nagbalik sa Bredco port ang mga nastranded nga pasahero nga temporaryo nagtinir sa ETCS 4 agud nga makahingagaw tabok sa Iloilo.
