Nagpasalig ang Philippine kickboxing team nga sila ang makakuha sang indi magnubo sa walo ka mga medalya sa 2021 Southeast Asian Games sa Hanoi, Vietnam agud mas mapasanyog ang kampanya para sa overall title defense.
Ang nagapanguna sa nationals amu si Zephania Ngaya, ang sigurado na nga makaangkon sang silver medal sa women’s 65 kg class kag mangin kasumpong kun sin-o man ang magadaog sa tunga sanday Huyinh Thi Aikvee sang Vietnam kag Jessie Yothawan sang Thailand sa Biyernes.
Si Renalyn Dacquel ang sigurado naman nga makapasulod sang silver medal matapos sini nakuha ang 3-0 victory batok kay Kanwara Boonpeng sang Thailand sa women’s full contact -48 kag class semifinal.
Si Gretel De Paz ang magapangatubang sa Le Thi Nhi sang Vietnam ukon Pieter Fiandra Ariesta sang Indonesia sa gold medal sa -56 kg sa Miyerkules.
Apat ka iban pa nga mga Filipina kickboxers ang siguradp naman nga makapauli sang bronze medal matapos ang ila hampang.
