Ginlutos sang Philippine men’s national football team ang Maldives, 4-1, sa third round sang AFC Asian Cup 2027 Qualifiers.
Ginpasulod ni Jefferson Tabinas ang una nga goal sa sulod sang 15 minutos sa hampang nga ginpatigayon sa New Clark City Athletics Stadium sa Capas, Tarlac.
Makaligad ang pila ka minutos, napasulod man ni Bjorn Kristensen agud nga makuha sang Pilipinas ang 2-0 nga abanse sa pagtakop sang first half.
Sa second half, napasulod ni Ali Fasir sang Maldives ang goal sa sulod sang 62 minutos para makuha ang 2-1.
Sa pagpadayon sang hampang, naka-goal man si Randy Schneider sa gano nangin 3-1 ang score kag sa ika-92 nga minuto napasulod ni Sandro Reyes ang ulihi nga goal gani natapos ang hampang sa scoe nga 4-1.
Abanse na ang Pilipinas sang 1-0 sa Group A kag masunod nila nga makaatubang ang team sang Tajikistan, Timor-Leste sa double-round robin sa June 10.
