Philippine Olympic Committee, magapangayo sang major funding para sa Philippine men’s curling team matapos magdaog sang gold medal sa Asian Winter Games

Magapangayo sa karun sang major funding ang Philippine Olympic Committee (POC) para sa Philippine men’s curling team.

Ini ang kasunod sang pagkuha sang nasambit nga team sa bag-o lamang natapos nga Asian Winter Games sa Harbin, China.

Ginpahayag ni POC president Abraham Tolentino, nga estoryahon sini si President Ferdinand Marcos Jr angot sa pagpangayo sang nasambit nga pondo.

Dugang pa sini nga kaugalingon nga kwarta ang gingasto sang mga atleta gani importante ang paghatag sang financial support nagikan sa gobyerno.

Ginpahayag man sini nga indi man makaigo ang P2 million nga makuha sang mga curling team nga sanday Marc kag Enrico Pfister, Christian Haller, Allen Frei kag Benjo Delamente nagikan sa incentives sang gobyerno.