BACOLOD CITY – Naglupad na padulong sa Singapore ang Negrense softball team nga tiglawas sang Pilipinas sa 2017 Asia-Pacific Softball Tournament.
Las 6:00 subong nga aga sang nagbiya sa Bacolod Silay Airport ang senior league kag little league sang Negros Occidental Philippines.
Bukas nang umaga, sasabak na sa kompetisyon sa Singapore American School sa Woodlands, Singapore ang dalawang team at ito ay tatagal hanggang sa Hunyo 18.
Sa little league category, kasumpong sang Pilipinas ang team sang Singapore kag Indonesia.
Sa senior league category naman, paga-agawan sang Pilipinas, Singapore, Indonesia, Guam kag India ang kampeonato agud nga mangin tiglawas sang Asia-Pacific Region sa Little League Senior Softball World Series sa Estados Unidos sa bulan sang Agusto.
Ang World Series sang senior league ang patigayunon sa Delaware, USA sa Agusto 6 samtang ang littlle league naman ang patigayunon sa Portland, Oregon sa Agusto 12.
Ang little league sang Negros Occidental Philippines ang ginapangunahan ni coach Lizviminda Jalandoni samtang si coach Tony Oquindo naman sa senior league.
Kadungan sini, nagpanawagan ang mga ini sa mga Negrosanon nga pangamuyuan ang ila nga pagsabak torneyo.
Ang duha ka mga team ang magapauli sa Hunyo 20.
