Pila ka sapatos nga halos isa ka ruler ang kalabaon nga ginabanta duha ka libo ka tuig na ang edad, nakutkutan sang mga archaeologist

Dako nga palamangkotanon sa mga archaeologist ang pila ka nakutkutan nga dalagko nga sapatos nga halos isa ka ruler ang kalabaon kag ginabanta nga kapin sa 2,000 ka tuig na ang kadugayon sa isa ka Roman site sa Northern England.

Nakit-an ang walo ka dalagko nga sapatos nga may kalabaon nga 30-centimeters sa isa ka area kun sa diin masami nga ginahaboyan sang basura sang mga Romano.

Suno kay Rachel Frame, senior archaeologist, luyag nila nga mahibaluan kun ano nga grupo ang nakaposisyon didto kag kun ngaa madamo sang dalagko nga sapatos ang nakit-an.

Pahayag ni Frame, ila ginatun-an kun ano ang history sang Imperyong Romano para makakuha sang sabat.