BREAKING NEWS. Nakarecord na ang Pilipinas sang una nga kaso sang Q fever, suno sa Bureau of Animal Industry (BAI).
Ang balatian ang nagaapekto sa mga baka, karnero kag kanding, kag mahimo nga makalaton sa mga tawo paagi sa paghaklo sang kontaminado nga yab-ok.
Ang tawo nga natapikan sang nasambit nga balatian, ini ang makabatyag sang chills, hilanat kag pagpalanakit sang lawas kag kun indi mabulong mahimo ini makadevelop sang komplikasyon sa atay kag corazon.
Suno kay Dr. Christian Daquigan, officer-in-charge sang National Veterinary Quarantine Services Division sang Bureau of Animal Industry (BAI) ang mga kanding nga nagpositibo sa nasambit nga balarian ang kalabanan nga yara sa Santa Cruz, Marinduque.
Suno pa diri wala pa sang nakumpirmar nga kaso sang balatian nga nakatapik sa tawo sa pungsod.
Suno sa Department of Agriculture, temporaryo nga dumilian ang pag-import sang kanding nagikan sa Estados Unidos.
Wala naman sang dapat kahangaw-an ang publiko bangud ang sitwasyon ang under control.
Suno sa National Institutes of Health (NIH) ang Q fever ang isa ka balatian nga gintuga sang bacterial pathogen Coxiella burnetii.
Suno sa NIH, ang nasambit nga organism ang madasig nga magalapta paagi sa hangin kag diutay lamang nga infectious aerosolized particles ang kinahanglan agud nga makatuga sang seryoso nga balatian.
