Indi na bag-o sa atun ang mga malahalon nga mga bagay kaangay sang bag, sapatos, make-up kag mga perfumes.
Apang sa karun ang lighter ang isa na sa makabig nga luxury items.
Ini matapos nga may yara sang ginakabig nga pinakamahal nga lighter sa kalibutan nga ang presyo ang nagdangat sa $500,000 ukon P28 million.
Ginakabig nga pinakamahal bangud may yara ini sang dekorasyon nga 400 grams solid gold kag 152 sapphires nga nagdangat sa 41 karats.
Ginhimo ini sang French luxury brand S.T. Dupont kag gintawag ini nga Louis XIII Fleur de Parme matapos nga ginspecial request ni Steven Hung, isa ka Hong Kong billionaire nga may passion para sa French history.
Ginkilala man ang lighter sang Guinness Book of Records bilang world’s most expensive cigar lighter.
