Nagpadala na sang sabat ang pinuno sang Bacolod Traffic Authority Office angot sa nabaton sini nga memo gikan sa City Legal Office kag City Adminitration office matapos nga nakit-an nga nakapar ang isa ka Mayor Albee Benitez (MAB)-Cab vehicle sa gwa sang iya balay.
Sa interview sang Bombo Radyo kay Patrick Leonard Lacson, miscommunication lamang ang natabo bangod nga ang service vehicle nga na-assign sa iya, ang gingamit para mangin patrol sang BTAO, samtang ang MAB-Cab naman ang plano sini kun tani nga gamiton agud mamonitor sini ang mga BTAO personnels kun bala sila nagatrabaho sang insakto.
Suno diri, ginkakas sini ang sticker sa MAB-Cab agud nga indi makilal-an sang mga personnels ang salakyan.
Gilayon naman sini nga ginbalik ang salakyan kag ginsabat ang memo nga gindagdag sa iya.
Samtang, pending naman sa karun ang request sini nga service vehicle.
Samtang, suno sa spokesperson ni Bacolod City Mayor Alfredo “Albee” Benitez, luyag sang BTAO head nga gamiton ang MAB-Cab para sa covered inspections sini sa iya mga peronnels, apang nagsala lamang ini bangod wala ini nangayo sang permission gikan sa ciudad.
Sa interview sang Bombo Radyo kay Atty. Caesar Distrito, napadal-an na sang memo si BTAO head Patrick Leonard Lacson, kag ini ang nagsabat naman sang iya nga bahin kag nangayo sang pasenysa.
