Nag-abot sa ciudad sang Bacolod si Philippine National Police (PNP) Chief Oscar Albayalde kahapon.
Gilayon siya nga nagderetso sa Negros Occidental Provincial Police Office headquarters.
Ginsug-alaw siya ni Philippine Regional Office (PRO) 6 Regional Director Police Chief Superintendent Cesar Hawthorne Binag kag sang mga hepe sang tanan nga mga police station sa Bacolod City kag sa probinsya sang Negros Occidental.
Naghatag siya sang mensahe sa tagsa ka mga kapulisan nahanungod sa ila responsibilidad sa pungsod kag sa mga pumuluyo.
Suno pa sa PNP chief nga dapat gid magsunod ang mga pulis sa pagsulundan sang PNP.// Dugang pa ni Albayalde nga indi pagpilion ang mga tawo nga dapat buligan.
Suno pa sa iya nga kun may reklamo sa pagpamuno niya dapat nga magderetso nga magreklamo sa iya kag indi na magpost pa sa social media.
Naghatag naman sang panugyan ang PNP chief nga ang sakripisyo ang kalakip sa ila ginpanumpaan sang sila ang nangin pulis.
Ini naman ang pinakauna nga pagbisita ni Albayalde pagkatapos niya magpungko sa pwesto bilang baylo kay anay PNP Chief Ronald “Bato” Dela Rosa.
