Ginakwestiyon sang kampo ni Mary Jane Veloso si President Ferdinand “Bongbong” Marcos Jr. kun ano pa ang ginahulat sini, agud mahilway na ang Filipino drug convict sa iya ika-40 nga kaadlawan.
Suno kay Atty. Edre Olalia, isa sa legal counsels ni Veloso, ginpahayag sang Indonesia nga insakto lamang nga hatagan sang Presidente si Veloso sang clemency kag ang responsibilidad ang ginapasa sa iya.
Ini bangud nga napardon na sang UAE ang 220 ka mga Filipinos gani ginkwestyon sini kun ano pa ang ginahulat sang Presidente.
Ini ang natabo kadungan sang pagpasa sang isa ka petisyon sang pamilya Veloso kag sang iya mga supporters para sa clemency ni Mary Jane sa Malacañang.
Ang Advocacy group nga Migrante International, nga nagasuporta sa mga panawagan sang paghilway kay Mary Jane, ang nagpahayag nga ang online clemency para kay Veloso ang nakatipon sang masobra 3,800 ka mga perma nagikan sa bilog nga kalibutan.
