Kumpirmado na nga maga-abot sa probinsya sang Negros Occidental ang presidente sang Pilipinas sa Lunes, Abril 8.
May yara sang mga natalana nga aktibidades nga pagatambongan ni President Ferdinand Bongbong Marcos Jr kun sa diin apat diri ang sa ciudad sang Bacolod kag isa sa ciudad sang Bago.
Nalakip sa pagatambongan sang presidente amo ang pagbisita sini sa mga transmission line sa Bacolod Substation kasunod sa tinutuyo sini nga mahatag ang tayuyon kag bastante nga supply sang kuryente, kaangay sa Cebu-Negros-Panay 230 kilovolt backbone project, kag pagpanagtag sang land title kag support services sa ciudad sang Bago.
Sa interview sang Bombo Radyo kay Councilor Vladi Gonzales, chairman sang committee on Urban Poor, Housing and Resettlement, ang ciudad sang Bacolod ang mangin pinakauna nga makatigayon sang Pambansang Pabahay Para sa Pilipino Program sang presidente, kag ang first nga pagturn-over ang isa ka importante nga kahiwatan.
Apang sa pagpadulong ni President Marcos diri sa Lunes, wala pa sang kumpirmasyon kun ini ang makapadulong sa Yuhum Housing Village sa Arao Relocation Site para sa turn over ceremony, bangod nga isa sa kondisyon amo nga matapos construct ang apat ka builidng antes ang pagturn-over nga sa karun may yara pa sang duha ka building nga under construction.
