Nagpangayo si President Ferdinand Marcos Jr. sang pasaylo bangud sa tuman kadamo nga numero sang mga nagkalamatay bangud sa Bagyo Tino.
Sa pagpadulong sang Presidente sa Cebu kaupod ang mga miyembro sang iya Gabinete kag mga local government officials, ginpahayag sang Presidente nga ila ginakasubo ang tuman kataas nga numero sang casualties.
Suno diri, kalabanan sa mga ini ang ginpang-anod sang tubig bangud sa flash floods.
Suno sa iya, nagpreparar ang local authorities para sa isa ka storm surge kag indi flash floods nga amu ang gintunaan sang pag-awas sang mga waterways kag pagbaha.
Gintake note man sang chief executive ang kadakuon sang halit nga gintuga sang mga pagbaha kag ginpahayag nga nagcollapse ang flood-mitigating structures bangud sa tuman kadako nga volume sang tubig.
Dugang pa sini nga ini ang natabo na kag ang gobyerno ang magabulig sa mga pamilya nga naapektuhan sang bagyo.
