Ginpirmahan na ni President Ferdinand Marcos Jr. agud mangin layi ang hagna nga may tinutuyo nga pasanyugon ang transparency sa government procurement process kag pagproteksyon sa publiko gikan sa financial cybercrimes.
Ini amo ang Republic Act (RA) 12009 ukon ang New Government Procurement Act kag RA 12010 ukon ang Anti-Financial Account Scamming Act sa isa ka seremonya nga ginpatigayon sa Malacañang Palace, kahapon, Hulyo 20, 2024.
Gindihon ang duha ka ginpirmahan nga hagna agud nga mangin layi bilang kabahin sang legislative agenda sang Marcos administration kag gindesignar bilang priority bills sang Legislative Executive Development Advisory Council (LEDAC).
Suno sa keynote speech ni President Marcos sa ginpatigayon nga signing ceremony, ginpirmahan na sini ang duha ka layi agud nga mapabakod, mas responsive kag efficient bureaucracy kag naghatag sang safeguards para sa financial rights kag welfare sang tagsa ka Filipino.
Ang New Government Procurement Act (NGPA) ang may tinuyo nga magpromote sang greater transparency, competitiveness, efficiency, professionalism, accountability, kag sustainability sa government procurement process.
Ang NGPA ang ginalantaw nga mag-address sa nagaexister nga loopholes sa karun nga government procurement system paagi sa pagpatuman sang istrikto nga pagsulundan agud nga matapna ang illegal practices agud nga mabuhinan ang mga opportunidad sang corruption kag matapna man ang pag-uyang sang public transactions kag magaresulta sa maayo nga serbisyo sa publiko.
Ang bag-o nga layi ang makapadasig man sang procurement activities bangud ang pagpatuman sini ang ginpalip-ot gikan sa 60 dias nalang gikan sa 90 dias humalin sang pagbukas sang bids padulong sa awarding of contracts.
