Pabor ang presidente sang Burgos Vendor Association sa pagtukod sang bag-o nga Burgos Public Market.
Sa interview sang Bombo Radyo Bacolod kay Lucilyn Dela Paz, pabor sa ila nga madamo nagapadala sang sulat sa opisina ni Bacolod City Councilor Celia Flor nga nagapanawagan nga dayunon ang pagubra sang bag-o nga merkado.
Suno kay Dela Paz, tion na agud nga magpatukod sang bag-o nga merkado bangud sa tion nga mag-ulan nagakabasa ang ila ginabaligya nga utan kag madasig man maglayong mag-init.
Suno diri kinahanglan nagid nga magtukod sang bag-o nga merkado bangud sila man ang makaluluoy kun indi ini pagkay-uhon bangud wala na sang customer nga magabakal sa ila baligya bangud sa sitwasyon sang merkado.
Suno kay Dela Paz, madamo pa sila ang luyag magpirma sa signature sheet nga nagapasugot nga magtukod sang bag-o nga Burgos Public Market.
Nagpanawagan man ini nga ipahigad ang pulitika kag batunon ang ginatanyag nga development bangud para man ini sa kaayuhan sang tanan.
