Ginakabig sang Presidente sang Integrated Bar of the Philippines – Negros Chapter ang disbarment ni Larry Gadon nga isa ka pahanumdum sa tanan nga abogado nga mataas ang standards nga ginarequire sa ila mga gawi kag ginahimo sa publiko.
Madumduman nga gindisbar sang Korte Suprema si Gadon bangod sa expletives kag profanities ukon pagpamuyayaw batok sa journalist nga si Raissa Robles.
Sa interview sang Bombo Radyo kay Atty. Gerry Llena, ginpahayag sini nga mataas ang standard sa mga abogado gani sila ang nagahalong sa ila mga komento kag reaksyon sa publiko.
Suno sa iya, tanan ang may yara sa emosyon kag sensitibo sa stimulus apang ang panimuot sang isa ka abogado ang dapat nasandig sa code of ethics kag dapat mangin ehemplo sa sosyodad.
Aminado ini nga sila ang indi robot nga indi makabatyag sang insulto apang indi ini justifiable kag dapat nga ikontrol gid ang kaugalingon.
Suno diri, ila ginakasubo nga ang ila kaupod sa profession ang madulaan sang lisensya sa pagpractice apang may yara sang proseso kun paano makabalik, nga nahibaluan man ni Gadon.
Una na nga ginpahayag ni Gadon nga siya ang magafile sang motion for reconsideration, bangod ang penalidad ang tuman ka dako, ilabi na nga nakapangayo naman ini sang pasaylo sa binuhatan.
Suno kay Llena, sa idalum sang due process, pwede ini nga makafile sang motion for reconsideration kag magapatigayon sang “finding of fact” ang Korte Suprema.
Pagkatapos sini, igarule sang korte ang iya motion for reconsideration kag kun may factual bases ini, may proseso ang Korte Suprema sa pagpabalik sa iya.
Suno sa iya, tuman ka strikto ang Supreme Court tuhoy diri kag nagakinahanglan sang convincing report agud marekonsiderar ang ila desisyon.
Ginpahayag man sini nga sa IBP local chaper, kun may yara sang mga reklamo batok sa mga abogado, ila man ini ginahatagan sang due process kag may yara sang Commission on Bar Discipline nga magapamati sa local level.
