UKRAINE – Nagpanawagan si Ukrainian President Volodymyr Zelensky sa European Union nga pamatud-an nga nagaapin sila sa Ukraine sa gyera batok sa Russia, isa ka adlaw matapos nagperma ini sang official request agud nga maka-intra sa bloc.
Sa emergency session sang European Parliament pinaagi sa video-link, ginpahayag ni Zelenskyy nga nagapakigbato sila agud mangin equal members sang Europe.
Mangin ang interpreter ni Zelenskyy ang wala napunggan ang magluha-luha samtang nagahambal kag indi ini matago sa iya nga tingog.
Sa speech sang Presidente, ginhangkat sini ang EU nga pamatud-an nga kaupod sila sang Ukraine kag indi nila ini pagbuy-an.
Gindugang man sini nga kuntani pamatud-an nila nga sila ang Europeans gid man kag magadaog ang kabuhi sang sa kamatayon kag pagalutuson sang kasanag ang kadulum.
Naghatag naman sang standing ovation ang mga EU lawmakers nga nagasuksok sang #standwithUkraine T-shirts nga may Ukrainian flag samtang ang iban ang nagsuksok sang blue kag yellow nga mga scarves kag ribbons.
Suno sa Ukrainian president, ang EU ang mangin makusog kun yara ang Ukraine kag kun wala sila, ang Ukraine ang magaisahanon.
