Presyo sang bugas, wala ginalauman nga magasaka apisar sa pagresume sang rice importation

Wala sang may ginalauman nga hinali nga pagsaka sa presyo sang bugas samtang natalana nga magpataas sang duties para sa imported grain sa tunga-tunga sang bulan.

Nagbalik na sa pag-import sang bugas ang Pilipinas sini nga bulan pagkatapos sang apat ka bulan nga moratorium sa rice importation nga ginmandu ni President Ferdinand “Bongbong” Marcos Jr. nga nagsugod sang Septyembre 2025.

Ini agud masuportahan ang farmgate prices sa tion sang wet-season harvest nga nagsugod sang Oktubre.

Una na nga ginpahayag ni Agriculture Secretary Francisco Tiu Laurel Jr. nga ang rice import duties ang pasakaan sang 20 percent halin sa 15 percent subong sa Enero 16, 2025 bilang pagsunod sa regulatory kag procedural requirements.