Presyo sang diesel, nagpanaog sang P2.90 kada litro; Gasolina, nagsaka sang 20 sentimos

Gin-anunsyo sang pila ka mga fuel retailers ang mga pagbag-o sang presyo sang produktong petrolyo subong nga Martes.

Magataas sa liwat ang presyo sang gasolina samtang maganubo naman ang presyo sang kerosene kag diesel.

Sa nagkalain-lain nga mga abiso, ang Seaoil Philippines Corp. kag Shell Pilipinas Corp. ang magapasaka sang presyo sang gasolina sang P0.20 kada litro samtang magapanubo naman sa diesel sang P2.90 kag kerosene sang P3.20 kada litro.

Magapatuman man sang amo nga pagbag-o ang Cleanfuel kag Petro Gazz maluwas sa kerosene nga wala sa ila produkto.

Nagsugod ang pagbag-o alas-6:00 subong nga aga, magluwas sa Cleanfuel nga magapatuman sang adjustment alas-8:01 subong nga aga.