Maayo nga balita para sa mga motorista, nagpatuman sang rollback sa presyo sang produktong petrolyo subong nga adlaw.
Sa separado nga advisories, ginpahayag sang Shell Pilipinas Corp. nga nagpatuman ini sang pagnubo nga P0.60 sa kada litro sang gasolina, P1.20 sa kada litro sang diesel; kag P1.30 sa kada litro sang kerosene.
Nagpatuman ang Cleanfuel sang pareho nga adjustments magluwas sa kerosene nga wala sa ila nga produkto.
Nangin epektibo ang price adjustment alas 6:00 ang takna kaina sang aga sa tanan nga firms magluwas nalang sa Cleanfuel nga nagpatuman sang price adjustment alas 12:01 ang takna kaina sang kaagahon.
Sang tinalikdan nga semana ang mga oil firms ang nagpatuman sang price roll back nga P0.90 sa kada litro sang gasolina samtang ang diesel ang nagpatuman sang price hike nga P0.60 sa kada litro sang diesel kag P0.80 sa kada litro sang kerosene.
Humalin sang Enero subong nga tuig ang net increase sang gasolina ang nagdangat sa P6.65 kada litro kag P5.45 sa kada litro sang diesel, kag net decreasenga P0.25 sa kada litro sang kerosene as of June 4, 2024.
