Presyo sang gasolina, nagsaka sang 20 sentimos kada litro; Diesel, nagsaka naman sang 80 sentimos

Atensyon sa mga motorista, liwat nga nagsaka ang presyo sang produktong petrolyo subong nga adlaw.

Ini na ang ikapito nga sunod-sunod nga semana sang pagtaas sang presyo sang diesel kag kerosene.

Sa naglain-lain nga mga abiso, ang Chevron Philippines Inc. (Caltex), Seaoil Philippines Corp., kag Shell Pilipinas Corp. nagdugang sang P0.20 kada litro sa gasolina, P0.80 sa diesel, kag P0.20 sa kerosene.

Nagpatuman man sang amo nga pagtaas ang Cleanfuel kag Petro Gazz, maluwas lang sa kerosene nga wala sa ila produkto.

Nagsugod ang mga pagbag-o sa presyo alas-6:00 subong nga aga, maluwas sa Cleanfuel nga magapatuman sang adjustment alas-4:01 karun sa hapon.