Presyo sang gasolina, nagsaka sang P1.20 kada litro; Diesel, wala sang pagbag-o

Gin-anunsyar sang pila ka mga fuel retailers ang liwat nga pagsaka sang presyo sang gasolina subong nga adlaw.

Sa nagkalain-lain nga abiso, ang Shell Philippines, Petro Gazz, Caltex, Cleanfuel, kag Seaoil ang nagpasaka sang presyo sang gasolina sang P1.20 kada litro.

Samtang, wala naman sang pagbag-o sa presyo sang kerosene kag diesel.

Ini ang ikaduha na nga sunod-sunod nga semana nga pagsaka sang presyo sang gasolina kag ika-34 nga pagsaka subong nga tuig.

Nagsugod ang mga pagbag-o alas-6:00 subong nga aga, magluwas sa Cleanfuel nga magapatuman sang adjustment alas-4:01 karun sa hapon.