Price hike sa gasolina kag diesel subong nga July 9

Nagdugang naman ang ginalukdo sang mga motorista bangud sa bigtime oil price hike subong nga Martes sang aga, July 9.

Ini na ang ikaapat nga semana nga pagpatuman sang price hike.

Sa separado nga advisories, ang Chevron Philippines Inc. (Caltex), Seaoil Philippines Corp kag Shell Corporation, ang nagpatuman sang pagsaka nga P1.60 sa kada litro sang gasolina, P0.65 sa kada litro sang diesel; P0.60 sa kada litro sang kerosene.

Ang Cleanfuel ang nagpatuman sang pareho nga price adjustments magluwas nalang sa kerosene nga wala sa ila produkto.

Nag-epekto ang pagbag-o sa presyo sang produktong petrolyo alas-6:00 sang aga sa tanan nga oil firms magluwas sa Cleanfuel nga magapatuman pa sang price adjustment alas-4:01 ang takna karun sa hapon.