Nagpatigayon sang surprise visit ang Officer in Charge sang Police Regional Office – Negros Island Region sa mga kapulisan nga nadeploy sa San Sebastian Cathedral, Ceres Bus terminals, seaports kag airports subong nga Huwebes Santo.
Sa interview sang Bombo Radyo Bacolod kay PRO-NIR OIC Police Brig. Gen. Arnold Thomas Ibay, kaupod sini sa paglibot si Bacolod City Police Office Director Police Col. Joeresty Coronica.
Una sila nga nagbisita sa Cathedral, BREDCO port kag Ceres Bus Terminals.
Ginseguro naman sang management sa iya nga magapadayun ang byahe tubtob sa Black Saturday kag Easter Sunday.
Magluwas sa kapulisan upod nila sa mga pagbantay ang mga personnel gikan sa Bureau of Fire Protection kag Philippine Drug Enforcement Agency.
Kun sa diin sila ang nagabuligay sa pagbantay sa mga byahero subong nga Semana Santa.
Suno kay Ibay, sila ang wala pa sang narecord nga dalagkuan nga mga problema humalin nga nagsugod ang Lenten season.
Suno diri, subong nga Maunday Thursday, sila ang naglibot sa Bacolod, kag sa masunod nga inadlaw sila ang magabisita man sa iban nga mga nasakupan nga local government units.
