Gin-updan ni Punong Barangay Elir Borres sang Barangay Camindangan, Sipalay City ang mga himata sang duha ka New People’s Army nga napatay sa engwkentro sa banwa sang Cauayan sa pagclaim sa mga bangkay.
Sa interview sang Bombo Radyo kay Borres, nakilal-an sang pamilya ang napatay nga si Rolando Dantes Jr bangod sa pilas sini sa dughan matapos ini nga mapaso sang lamharon pa.
Samtang, nakilal-an naman sang asawa ang bana sini nga si Gilbert Tingson bangod sa pilas niya sa butkon.
Si Dantes amo ang squad leader sang squad 2 Sandatahang Yunit Pampropaganda (SYP) sang Southwest Front.
Si Dantes ukon alyas Mista/ Ana/ Anyo/ Arnel/ Roman/ Yo/ Jake, residente sang Sitio Lin-ab, barangay Camalanda-an, Cauayan apang ang place of birth sini yara sa sitio Lo-ok, barangay Camindangan, Sipalay City.
Samtang si Tingson naman alyas Ryan/ Kolintong, ang residente sang Sitio Lower Cabilucan, barangay Camindangan, Sipalay City.
Samtang si Jobert Casipong, alyas John/ Ruby, naman nga medical team sang squad 2 SYP platoon sang Southwest Front ang residente man sadto sang Sitio Lower Cabilucan, barangay Camindangan, Sipalay City apang nagsaylo na ang iya pamilya sa baranagay Tabu, Ilog.
Sa karun ang mga bangkay sang lima ka napatay yara sa R&S funeral home kag duha ang plano na nga kuhaon sang pamilya.
