Nagsapol subong nga hapon sanday Negros Occidental Governor Eugenio Jose “Bong” Lacson upod ang pila ka mga nurse matapos nga ginreclasify ang mga nurse 2 sa nurse 1.
Sa interview sang Bombo Radyo Bacolod kay Provincial Administrator Atty. Rayfrando Diaz, ginkumpirmar sini nga epektibo na subong nga Enero 2021 ang salary increase sang mga nurse 1.
Makabaton na ang mga ini sang salary grade 15.
Apang may yara sang problema ang iban nga mga nurse ilabi na ang mga nurse 2 nga nagabaton man sang salary grade 15 bangud nga ginreclasify sila bilang nurse 1.
Suno kay Diaz, ini ang santo sa Department of Budget and Management (DBM) Circular.
Bangud diri, nagpatigayon sila sini nga hapon sang consultation meeting upod ang mga nurses kag magapangayo man sila sang opinyon nagikan sa Civil Service Commission (CSC).
Nagalaom si Diaz nga maplantsa gilayon ang amo nga problema bangud nga nagapamatok gid ang mga nurse 2 nga mareclasify sila bilang nurse 1.
Dugang pa nga paathag sini nga lain ang function sang nurse 1 sangsa nurse 2.
Samtang, ginkumpirmar man ni Diaz nga may yara man sang salary adjustment subong nga tuig ang mga non-medical employees.
