Indi kumbensido ang Secretary General sa Sentrong Samahan ng mga Tsuper at Operators Negros (SSTONE) sa pagtalakay sa Congressional hearing tinalikdan nga adlaw, nga mapahanugutan pa sa pagbyahe ang mga unconsolidated traditional jeepneys.
Sa interview sang Bombo Radyo Bacolod kay Junjun Asis, kaangay nga band aid solution lamang ang desisyon sang Kamara kag kaangay nga nagpamangkutanay lang man sa hearing.
Apang sang nagcontact ini kay Atty Salvador Altura, ang officer in charge sa Land Transportation Franchising and Regulatory Board (LTFRB) Region 6, kun ang Land Transportation Office (LTO) ang maga-operar pagadakpon gid gihapon ang mga salakyan nga wala sang papelis.
Dugang pa sini nga wala man ginhambal sa Congressional Hearing nga may-extention para sa mga wala nakapaconsolidate, kag sila ang wala man sang mapanguyatan bangod wala man sang gindagdag nga memorandum circular.
Panindugan sini nga makampante lamang sa pagbyahe ang mga unconsolidated jeepneys kung sila ang may legal nga dokumento nga ginapanguyatan.
Sa pihak nga bahin ang SSTONE kag Federation of Bacolod City Drivers Association (FEBACDA) ang may 112 pa ka mga jeepney units nga ginahingyo sa LTFRB nga mapahanugutan nga maconsolidate.
Ang nasambitan nga unit ang kalabanan nagabyahe sa mga routa nga kulang ang mga salakyan.
Panindugan sini nga nakapasa na sang mga dokumento ang nasambitan nga mga operators apang ginkulang lamang ukon may yara sang wala nanotaryohan gani wala nakahingagaw sa consolidation deadline.
