Gin-emphasize ni Senator Alan Peter Cayetano daw kaangay nga may iban nga motibo ang pahayag ni National Bureau of Investigation (NBI) Director Melvin Matibag angot sa imbestigasyon sa gina-alegar nga anomalya sa 2019 Southeast Asian (SEA) Games.
Sa ikaanom nga adlaw sang impeachment trial ni Vice President Sara Duterte kahapon, gin-emphasize sang senador nga daw kaangay may yara sang “misfire” ang announcement sang NBI.
Suno kay Cayetano, indi dapat pagipagwa nga may anomalya gilayon bangud lamang nga wala nagpaidalum sa bidding sa pila ka mga proyekto.
Ginpaathag sini nga mahimo pamaagi sang procurement ang ginpahanugutan sang layi gani dapat paghimuon nga indikasyon sang iregularidad ang indi pagpaidalom sa bidding.
Si Cayetano ang nagpamuno sa Philippine Southeast Asian Games Organizing Committee (PHISGOC) nga nag-organisa sa nasambit nga event.
Bisan si Senator Pia Cayetano ang nagpahayag man sang pagkadismaya sa announcement sang NBI.
Sa pihak nga bahin, ginsiguro ni Matibag may nauyatan na nga dokyumento ang NBI nga magapabakod sang ila nga imbestigasyon partikular na sa New Clark City Sports Complex nga ginpatindog para sa SEA Games.
Suno diri, nakadihon na sang task force agud maidid nga usisaon ang nasambit topiko.
Ginalauman nga ipresentar si Matibag sa Korte bilang saksi sa masunod nga semana samtang padayon nga ginabantayan ang imbestigasyon nga mahimo makaapekto sa kredibilidad sang mga proyekto nga ginpatigayon para sa 2019 SEA Games.
