Ginpahayag ni Senator Juan Miguel Zubiri nga pagahimuon sini ang iya masarangan agud maprotektahan ang “family values” sa Pilipinas matapos ang iya encounter kay Pope Francis sa Vatican.
Suno kay Zubiri, ginhingyo ini ni Pope Francis nga protektahan ang pamilya kag ini ang instruction nga iya ipabilin sa iya tagipusuon.
Suno sa Senador, iya gid nga dumdumon ang ini nga pahanumdum kag pagahimuon ang iya masarangan agud maprotektahan ang family values nga naga-uyat sang nasyon.
Sang Mayo 22, gin-aprubahan na sang House of Representatives sa final reading ang ginapropose nga hagna natuhoy sa absolute divorce kun sa diin 131 ka mga mamalidha ang nagboto nga pabor.
Kaupod si Philippine Ambassador to the Holy See Myla Grace Ragenia Macahilig, nagpadulong si Zubiri kag ang iya pamilya sa Vatican City sang tinalikdan nga Hunyo 5 kun sa diin ila natigayon nga nakit-an ang Santo Papa sa iya weekly catechesis kag pagpangamuyo para sa kalinong.
Suno kay Zubiri, espesyal para sa mga Filipino si Lolo Kiko kag nagapati ini nga may espesyal man nga lugar ang Pilipinas sa tagipusuon kag pagpangamuyo sang Santo Papa bilang isa sa pinaka-devout nga Katoliko nga pungsod sa kalibutan.
