Wala na makapamatok pa ang mga guwardiya sang Corazon Locsin Montelibano Memorial Regional Hospital (CLMMRH) sang kumpiskaron sang Civil Security Unit (CSU) ang ila mga armas matapos matukiban nga imitation ukon peke ang mga ini.
Nagalab-ot sa 12 ka mga 9mm caliber pistol ang nakumpiskar sang kapulisan gikan sa naka-poste nga mga guwardiya sang JDS Security Agency nga nakabase sa ciudad sang Cebu.
Sa exclusive interview sang Bombo Radyo, ginpahayag ni Police Supt. Elmo Guevarra nga nagpatigayon sila sang routine inspection sa mga talatapan kag ahensiya nga may yara sang mga security guard kag isa sa mga ini ang regional hospital.
Igapaidalom sa laboratory examination ang mga pusil samtang magapatigayon naman ang CSU sang administrative investigation sa security agency.
Mahimo naman mapasakaan sang kaso nga kriminal kag administratibo ang security agency pananglitan mapamatud-an nga nagagamit sang peke nga mga pusil ang maga guwardiya sini.
