Magabida si Sharon Cuneta sa feature film adaptation sang novel ni Marivi Soliven nga “The Mango Bride.”
Sang Lunes, ginpabutyag sang Megastar ang iya excitement para sa palaabuton nga proyekto, nga siya man ang executive producing.
Sa Instagram, nagpangayo ini sang pagpangamuyo agud mangin madinalag-on ang nasambit nga proyekto sa Hollywood kag mangin isa ini ka paagi agud mabuksan ang mga pwertahan para sa tanan nga yara sa industriya.
Suno sa aktres, ang movie ang pinakamaayo nga paagi agud makig-angot sa global audience paagi sa pagbutang sang mga best Filipino talents kag mga istorya agud ipakigbahin ang isa ka emotional kag uplifting nga story.
Ang award-winning novel ang nagalibot sa kabuhi sang duha ka mga Filipina, si Amparo kag Beverly, nga nahibaluan ang kamatuoran sa ila kabuhi matapos nagmigrate sa California.
Sang 2011, nagdaog ini sang grand prize sa Carlos Palanca Memorial Awards.
Ang bag-o nga proyekto ang natabo malapit isa ka tuig matapos ginbuy-an ni Sharon ang all-Filipino cast Hollywood movie nga ginproduce ni Steven Spielberg bangud sa “false positive” COVID-19 test result.
