Wala gid sang survivor nga nasapwan sa crash site sang helicopter nga ginasakyan ni President Ebrahim Raisi sang Iran.
Nahibaluan nga siyam ang sakay sa helicopter, kalakip man ang foreign minister sang pungsod.
Madumduman nga nagalupad na kuntani papauli ang convoy sang Presidente gikan sa inauguration sang joint Dam Project sang Iran kag Azerbaijan sang nagluntad ang aksidente.
Bangod sa madamol nga fog kag tuman nga katugnawon sa kalasangan nangin mabudlay naman ang paglab-ot sa crash site.
Una nga namonitor sang Turkish drone ang isa ka heat source sa area malapit sa Tavil, isa ka minuro sa East Azerbaijan province.
Sa kumpirmasyon ni Pir-Hossein Kolivand, head sang Iranian Red Crescent, wala sang survivor gikan sa insidente.
Nagdangat sa 73 ka mga rescue teams ang nagpadulong sa crash site agud marecover ang lawas sang mga biktima.
Si Raisi, nga anay judiciary chief ang nangin ikawalo nga Presidente sang Iran.
Ang former prosecutor kag judge ang na-elect sa pwesto sang 2021.
Kasunod sang kamatayon sini, ang magabulos amo si First Vice President Mohammad Mokhber, apang ini ang magakinahanglan pa sang approval gikan Iran’s Supreme Leader Ayatollah Ali Khamenei.
