BACOLOD CITY — Hugot sa karun nga ginatutukan sang Negros Occidental Police Provincial Office ang mga kaciudaran kag kabanwahanan sa sur nga bahin sang probinsya kasunod sang deklarasyon sang martial law sa Mindanao.
Suno kay Police Chief Inspector Gerald Lawrence Bathan, public information officer sang NOCPPO, may yara sang direktiba ang provincial command nga dapat mangin alerto ang mga pulis sa southern Negros ilabi na ang Public Safety Company sa ciudad sang Sipalay, sa bulig man sang police station kag sang mga force multipliers.
Wala pa sang pormal nga pag-istoryahanay apang may yara sang task force nga pagatukuron agud nga matutukan ang sitwasyon sa probinsya kasunod sang insidente sa Marawi City.
Suno pa kay Bathan, ginmandu man ang mas ginpasangkad nga checkpoint operations sa bilog nga probinsya kag nagapaalinton ini nga indi lang makibot ang mga residente.
Naghingyo man ini sa mga pumuluyo nga mangin responsable sa ginapost sa social media agud nga indi makatuga sang alarma sa iban.
