Ginkasal na ang “Spider Man” lead actor nga si Tom Holland kag leading lady niya nga si Zendaya.
Ginkumpirmar sang stylist ni Zendaya nga si Law Roach ang natabo nga kasalan sa red carpet sang Actor Awards kahapon sang aga (oras sa Pilipinas), March 2.
Madumduman nga sang nakaligad nga tuig, ginkumpirmar sang US media ang engagement nanday Zendaya kag Tom, kasunod sang pagtambong ni Zendaya sa Golden Globes 2025.
Una na nga naggwa ang mga balita tuhoy sa ila nga relasyon matapos sila nga nagbida bilang sanday Peter Parker kag Michelle sa Marvel blockbuster nga Spider-Man: Homecoming sang 2017.
Sang Hulyo 2021, nakita ang duha nga naghalukanay sa sulod sang salakyan.
Halin sadto, nangin bukas na ang duha nga ipabutyag ang ila nga relasyon sa Instagram posts.
