Kadam-an sa atun ang nakahibalo na nga sa ant colony, may ara sang reyna, may ara sang suldado kag may-ara sang workers, apang nakahibalo bala kamo nga sarang man nga magserbe nga doktor ang mga subay?.
Natukiban sa isa ka pagtuon nga may isa ka sahi sang subay nga sarang mag-opera sa ila nasamaran nga kaupdanan.
Ang mga subay ang territorial ukon mapintas, ilabi na sa pagbantay kag pag-amlig sa ila territoryo.
Ini ang rasun kun ngaa sa tion nga may magsulod sa ila nga territoryo, may-ara gid sang nagaluntad nga bayolente nga engkwentro.
Sa isa ka pagtuon, natukiban nga ang mga Florida carpenter ants ang nakakita sang solusyon kun paano mabulong ang ila kaupdanan nga mapilasan.
Ang nasambitan nga sahi sang subay ang makit-an sa Southern United States.
Pinaagi sa kagat, gina-utod sang mga ini ang bahin sang lawas sang ila kaupod nga tuman ang samad kag ini ang ginatinluan.
Ang pag-utod sang makabig ‘surgeon’ nga subay sang bahin sang lawas sang ila kaupod ang nagalawig sang 40 minutos.
Samtang may ikasarang naman ang mga subay nga maregenerate ang nautod nga bahin sang ila lawas.
