Ginpahayag sang alkalde sang ciudad sang Kabankalan, Negros Occidental nga willing ini nga magbayad sa mga nagserbe sadto nga support staff sang Commission on Elections-Kabankalan nga wala mabayaran sang Barangay kag SK Elections sang 2023.
Nagpagwa sang opinion ang regional election lawyer sa idalom sang Negros Island Region.
Suno sa pahayag ni NIR COMELEC Regional Elections Director Lionel Marco Castillano nga nakadepende sa LGU ang pagbayad sa mga support staff.
Dugang pa sini nga kun may budget sarang nga mabayaran ang mga support sang tinalikdan nga Barangay kag SK Elections.
Sa interview sang Bombo Radyo Bacolod kay Mayor Benjie Miranda, ginhatagan siya sang dokyumento sang COMELEC sang nasambit nga legal opinion apang ginpatsekyar man pa sini ang legaligad sang opinion sa mga abugado sang ciudad agud nga indi man siya matechnical sa pagrelease sang pondo.
Suno kay Miranda lantawon pa niya kaupod ang City Council kun paano sang mga ini matigayon nga mapangitaan sang budget agud mabayaran ang wala mabayaran nga support staff.
Ginalantaw pa sini kun mahimo ipaagi ang budget nga P3.7 million sa supplemental agud nga mabayaran na ang mga manunudlo nga nagserbe nga support staff sa nakaligad nga Barangay kag SK Elections.
