Naaresto na ang riding in tandem suspects nga nagtiro sa isa ka suldado nga katapo sang 79th Infantry Battalion sang Philippine Army sa Sitio Takas, Brgy. Palampas, San Carlos City, Negros Occidental kahapon.
Paagi sa man hunt operation nadakpan sanday Jobert Gimarangan kag Alfie Raganas Sr. kun sa diin narecover ang isa ka granada, isa ka KG nine deface serial number; isa ka magazine, 15 ka sachet sang suspected shabu kag isa resalable plastic bag nga may unod nga marijuana.
Nagdangay sa 162.67 gramos sang susped shabu nga may may standard drug price value nga Php 1,106,156.00 kag 2.47 grams sang suspected marijuana may Standard Drug Price Value nga P370.50.
Sa interview sang Bombo Radyo Bacolod kay 1LT. Dan Carlo Samosa, Civil-Military Operations Officer sag 79th Infantry Batallion, Philippine Army nga yara na sa estable nga kondisyon ang suldado matapos ini ang makaangkon sang pila sa paa kag tiyan.
Suno kay Samosa, ang suldado ang nakaduty sa Calatrava kag San Carlos Area kag ini ang nasal-an lamang kag isolated case lamang ang natabo.
Suno diri, indi man malikawan nga may yara sang pamahog sa ila nga kabuhi bangud man sa ila nga trabaho.
Nagpanawagan man ini sa mga pumuluyo nga mag-aligmat kag kun may makaduluda sa palibot, ipahibalo na gilayon sa mga otoridad.
Nakahunong na sa San Carlos City Police Station ang duha ka mga suspek kag natalana nga mapasakaan sang nakaigo nga kaso.
