BACOLOD CITY — Ginalauman nga mapanagtag na sa mas madali nga panahon ang Rosenbauer firetrucks nga ginbakal sang gobyerno sang Pilipinas nagikan sa Austria.
Ini apisar pa man nga nagtuhaw sang una ang kontrobersiya tuhoy sa amo nga deal nga kag nangin kabangdanan sa pagpahalin sa pwesto kay anay DILG Secretary Ismael ‘Mike’ Sueno.
Suno kay Fire Senior Supt. Fred Trajeras, acting regional director sang BFP Negros Island Region, magasabak na sa training sa Hunyo 15 ang mga driver sang firetrucks.
Ang amo nga training ang magadugay sang lima ka adlaw.
Sa 76 ka mga firetrucks, 14 diri ang magakadto sa NIR kag ginalauman nga igabyahe na ini padulong sa rehiyon sa bulan sang Hulyo.
Suno kay Trajeras, wala sang anomaliya sa amo nga transaksyon bangud legitimate ini sa tunga sang gobyerno sang Pilipinas kag sang Austria.
Ang dalagko nga mga firetrucks ang para sa mga ciudad samtang may yara naman sang panibag-o nga procurement process nga igapanagtag sa mga kabanwahanan nga wala pa sang firetrucks.
