BACOLOD CITY — Ginalauman nga masundan pa ang satellite training course nga patigayunon sang Bureau of Fire Protection diri sa ciudad sang Bacolod sumugod Mayo 11 tubtub Setyembre 11.
Suno kay Fire Senior Supt. Fred Trajeras, acting regional director sang BFP Negros Island Region, patigayunon sa Biyernes sang hapon ang entrance exam para sa mga nag-apply nga mangin kabahin sang BFP NIR.
252 tanan ang qualified examinees kun sa diin pagapilion ang Top 188 nga amo ang ipaidalom sa screening kag 94 nalang ang mabilin agud nga maga-take oath sa bulan sang Hulyo bilang mga Fire Officers 1.
Pananglitan matapos na sa Setyembre 11 ang training sang una nga batch, magabulos naman sa training sa Panaad Park and Stadium ang magasumpa sa bulan sang Hulyo.
Ginakalipay naman ni Trajeras nga may yara na sang satellite training course diri sa Bacolod bangud indi na mabudlayan ang mga bag-o recruit nga magpadulong sa Laguna.
