Tatlo ka mga police station sa idalom sang Negros Occidental Police Provincial Office (NOCPPO) ang may pinakamataas nga kaso sang Violence Against Women & their children (VAWC) sa probinsya sang Negros Occidental para sa Enero 2021 nga record.
Sa interview sang Bombo Radyo Bacolod kay Police Lt. Abegael Donasco, Deputy Spokesperson sang NOCPPO, sa kabilugan nakarecord sila sang crime volume sa RA 9262 ukon Violence Against Women and their Children nga anum ka kaso sa bulan sang Enero sini nga tuig sa diin lima ang nacleared, ang isa ang wala pa nasolbar kag ang nasolbar ang tatlo.
Samtang sa RA 7610 ukon Special Protection of Children Against Abuse, Exploitation and Discrimination Act, dose ang narecord nga crime volume, 11 ang nacleared, isa ang unsolved kag walo ang nasolbar.
Sang tinalikdan nga tuig, sa kabilugan nakarecord sila sang 124 crime volume sang naglapas sa RA 9262 , 119 ang cleared, isa ang nasolbar kag lima ang wala pa masolbar.
Samtang, sa mga naglapas naman sa RA7610, nakarecord sang 138 crime volume, 131 ang cleared, pito ang unsolved kag 78 ang nasolbar.
Ginlakipan naman sang Talisay City Police Station, Bago City Police Station kag Cadiz City Police Station ang Top 3 sa may pinakadamo nga VAWC cases para sa January 2021 samtang sa tuig 2020 naman ang Talisay City, Bago City kag Cadiz ang nagapanguna sa may pinakadamo nga kaso sang VAWC.
Suno kay Donasco, nga nagapadayon ang ila programa angot diri kag ginapanugyanan ang mga lalaki nga indi magpanakit sang mga babayi.
