Tatlo ka mga Cardinal ang nagikan sa Pilipinas ang mangin kabahin sang conclave ukon mahimo mangin kabahin sang mapilian nga mangin Santo Papa matapos ang kamatayon ni Pope Francis.
Una amo si Cardinal Luis Antonio Tagle nga sa karon nagaserbe nga Pro-Prefect for the Section of First Evangelization of the Dicastery for Evangelization.
Si Cardinal Tagle ang una nga nangin arsobispo sang Manila antes gin-assign sa Roma.
Ikaduha, si Cardinal Pablo Virgilio David, nga ginhatagan sang titulo ni Pope Francis sang Disyembre 2024.
Nangin obispo ini sang Caloocan halin 2016 kag karon nagaserbe nga Presidente sa Catholic Bishops Conference of the Philippines (CBCP).
Ikatlo, si Cardinal Jose Advincula nga nangin arsobispo sang 2020 kag nagaserbe subong nga Arsobispo sang Manila halin 2021.
Nangin obispo man ini sang San Carlos kag arsobispo sang Capiz.
Ang conclave sa Simbahan Katoliko Romano isa ka pribado nga pagtililipon sa diin ang mga kardinal nagapili sang bag-o nga Santo Papa.
Sa tion sang isa ka conclave, ang mga kardinal literal nga ginakandaduhan sa sulod sang Sistine Chapel tubtob nga sila makahimo sang desisyon.
