Tatlo ka mga vessels sang Houthi sa Red Sea, ginguba sang pwersa sang Estados Unidos

Ginpahayag sang US Central Command nga naguba sang pwersa sini ang tatlo ka mga Houthi unmanned vessels sa Red Sea sa nagligad nga 24 ka oras kag naglunsyar man ang Houthis sang tatlo ka mga anti-ship ballistic missiles sa Gulf of Aden nagikan sa teritoryo sang Yemen sa idalum sang ila control.

Ang missiles ang wala sang may naigo nga maskin ano nga US-led marine coalition ships ukon iban nga commercial ships nga naga-operate sa critical commerce lanes padulong sa Yemen.

Sa statement sang US military, ang nagapadayon nga delikado kag reckless nga ginahimo sang Houthis nga suportado sang Iran ang nagahatag sang pagpamahog sang regional stability kag nagabutang sa risgo sa kabuhi sang mga marino sa palibot sang Red Sea kag Gulf of Aden.