Ginpahayag sang secretary sang Bacolod City Public School Teachers Federation kasubong man ang secretary-general sang Alliance of Concerned Teachers (ACT) Negros Occidental kag Bacolod City nga dapat makapaayo para sa bilog nga Department of Education ang masunod nga tiglikom.
Sa interview sang Bombo Radyo Bacolod kay Grace Abellar, ginakilala nila ang bisan sin-o nga gina-appoint apang ang panindugan nila nga magpangita sang masunod nga education secretary nga may matuod-tuod nga prinsipyo kag panindugan para sa sitwasyon sang mga manunudlo kag mga estudyante.
Suno kay Abellar, ang masunod nga DepEd secretary ang dapat nakaintindi sa matuod-tuod nga sitwasyon sang mga eskwelahan kag mga dapat unahon nga masolusyunan nga problema sa sistema sang edukasyon sa pungsod.
Ginpahayag man sini nga kun si Negros Occidental 3rd District Congressman Kiko Benitez ang masunod nga education secretary, mangin paborable ini sa probinsya kasubong man sa ciudad sang Bacolod apang dapat man nga mangin paborable para sa bug-os nga Department of Education.
Suno sa secretary sang Bacolod City Public School Teachers Federation, maayo ang record sang kongresista sa academe kag sa mga experiences sini apang panindugan sini lain ang nalab-ot bilang isa ka indibidwal sangsa ikaw na ang magadumala sa education system sang pungsod.
Suno kay Abellar kun si Benitez gid man ang iappoint nga education secretary, ginalauman nga mangin tingog ini sang mga maestra kag bug-os nga eskwelahan sang Department of Education.
