Ginkumpirmar sang anay World No. 1 kag three-time Grand Slam title winner nga si British Tennis Player Andy Murray nga magaretiro na ini matapos ang Paris Olympics.
Sa karun ang rank 121 kag nagahampang nga may metal hip humalin sang 2019, nag-abot na ang tion para kay Murray nga nagasuprer sang ankle damage subong nga tuig kag nagpaidalom sa surgery agud nga kakason ang cyst gikan sa spine nga nagkakas man sa iya sa singles sa Wimbledon.
Sa baylo, naghampang ini sang double kaupod ang utod sini nga si Jamie kag nalutos sa una nga round.
Suno kay Murray, luyag sini nga maghampang miyentras tanto kag palangga sini ang sport kasubong man dako ang nabulig sa iya.
Ang nasambit man nga sport ang nagtudlo sa iya sang madamo nga leksyon sa pila na katuig nga magamit sini sa bilog niya kabuhi.
Indi man sini luyag nga mag-untat bangud mabudlay ini para sa iya.
Ini ang ginpahayag ni Murray sa All England Club.
Gindugang man sini nga ang second title sa 2016, ang nagdala sa iya career sa tatlo ka dalagko nga kadalag-an matapos nga nagguba ang iya duck sa 2012 US Open.
Nagdaog si Murray sang gold sa 2012 Olympics kun sa din nalutos sini si Roger Federer pila ka semana nga napierde ini sa Wimbledon final sa pareho nga Centre Court.
