Ginkumpirmar sang pinuno sang Municipal Disaster Risk Reduction Management Office (MDRRMO) sa banwa sang Toboso, Negros Occidental nga may yara sang isa pa ka reported nga pag-usmod sang duta nga ginapatihan nga sinkhole ang nakita sa Sitio Bugho sa Barangay General Luna nga amo ang padayon nga Mines and Geosciences Bureau.
Sa interview sang Bombo Radyo Bacolod kay Engineer Hospicious Carbajosa, wala na nagpadayon ang pag-usmod sang duta nga una na nga ginreport sa bahin sang Sitio Bairan apang ang padayon man ang monitoring sang mga ini kaupod ang MGB sa ginreport nga pag-usmod sang duta sa Sitio Bugho.
Ang pag-usmod ang may kadalumon nga sa 1 foot kag may diameter nga 90ft mas lapad pa sangsa Sitio Bairan.
Ginpahayag sang mga residente nga ang pag-usmod sang duta sa Sitio Bugho ang nagsugod pa sadtong Bagyong Tino nga indi man gani manotisyaran sang una apang ini ang nadugangan bangud sang nagpadayon nga pag-ulan sang Pebrero 8 tubtob 10.
Sa karun padayon ang monitoring sang MDRRMO sang Toboso sa reported nga pag-usmod sang duta sa duha ka Sitio sa Barangay General Luna.
