Sa ginpatigayon nga hearing sang Senate Committee on Women, Children, Family Relations and Gender Equality subong nga adlaw, Hulyo 1, 2026, ginpahayag ni Senator Risa Hontiveros nga may mga indikasyon na ang pagpaniro sa San Jose National High School sa Tacloban City ang naimpluwensyahan sang isa ka foreign group.
Gintumod sang Senadora nga ang pagpaniro ang mahimo may kaangtanan ukon impluwensya gikan sa ginatawag nga “764 Network,” nga gikan sa Texas, USA.
Natukiban sang komitiba, nga ang modus operandi sang grupo amo ang pagtarget sang mga vulnerable nga kabataan sa internet.
Ginagamit nila ang mga chat functions sa mga online gaming platforms agud mangin “adult groomer.”
Suno diri, ginabrainwash kag ginaradicalize nila ang mga kabataan agud magsunod sa mga bayolente nga mga buluhaton kaangay sang school shootings, maghimo sang pornography, kag manakit sang iban nga tawo ukon sang ila kaugalingon.
