Preparado na ang mga miyembro sang Bacolod Alliance for Commuters Operators and Drivers (Bacod) Manibela sa ciudad sang Bacolod kasubong man sa probinsya sang Negros Occidental sa pagpatigayon sang transport strike sa Abril 15 kag Abril 30.
Sa interview sang Bombo Radyo Bacolod kay Rudy Catedral, nakameeting na sila agud nga preparahan ang patigayunon nga transport strike.
Suno kay Catedral sa Abril 15 sang aga magabiyahe pa ang mga traditional jeepneys antes sila magpatigayon sang transport strike,alas 2:00 ang takna sang hapon.
Suno diri, matapos ang ila nga programa sa fountain of justice, indi na sila magbalik sa biyahe.
Suno kay Catedral, mas magamahal ang pletehan sang mga pasahero kun ang magabiyahe mga modernized jeepney na.
Suno pa diri, ginabanta man nga magadangat sa masobra sa isa ka libo nga units sang traditional jeepneys ang maga-upod sa patigayunon nga transport strike.
Ginalantaw man sini nga bangud sa ila patigayunon nga transport strike, dako ang epekto sini bangud kulang katama ang modernized jeepney units nga magacater sa mga pasahero.
Wala man ang mga ini nagpaconsolidate bangud kapierdihan lamang ini sa mga drivers kag operators.
Samtang, nagpanindugan man ini nga ang ila nga kawsa amo ang indi pagdulaon ang mga traditional jeepney, sabaylo irehabilitate na lamang ini agud nga mangin road worthy ini santo man sang nakasaad Public Utility Vehicle Modernization program.
