Sa atun latest monitoring sa hulag sang Tropical Storm HAGUPIT sa gwa sang Philippine Area of Responsibility, ini ang ulihi nga nasiplatan sa 1,165 km sa nasidlangan sang Northeastern Mindanao.
Dala sini ang kabaskugon sang hangin nga nagdangat sa 75 km/h kag pagmadlos nga tubtob 90 km/h.
Ini ang nagahulag padulong sa nakatungdan nga dereksyon sa kadasig nga 20 km/h.
Sa atun forecast track, ginalauman nga magasulod na sa PAR ang Bagyo subong nga Sabado, kag ini ang hatagan sang local name nga Bagyo CALOY.
Ini ang ginalantaw nga amat-amat nga magahuyang pagdangat sa Philippine Sea, kag mahimo nga Low Pressure Area na lamang sa Mayo 13.
Apang apisar nga magahuyang, ini ang lauman gihapon nga makatuga sang mga pag-ulan sa nasidlangan nga bahin sang Visayas, kasubong man sa nasidlangan sang Southern Luzon.
Subong nga Sabado, wala pa sang epekto sa pungsod ang Tropical Storm HAGUPIT.
Easterlies ukon ang mainit nga hangin gikan sa Dagat Pacifico gihapon ang nagaapekto sa bilog nga pungsod.
Lauman nga ini ang makatuga sang localized thunderstorms ukon lapta-lapta kag makadali nga mga pag-ulan sa dako nga bahin sang Mindanao.
Apang magapabilin naman nga mainit kag mapaang ang panahon sa Visayas kag sa Luzon.
Gani padayun man nga ginapahanumdom nga likawan ang pagbulad sa init kag maghalong sa posibilidad sang heat stress kag heat cramps.
