Duha ka Weather System ang nagatuga sang maulanon nga panahon sa karun sa dako nga bahin sang Mindanao, nakatungdan nga bahin sang Visayas kag Palawan.
Ini amo ang Southwesterly Winflow, nga patimaan sang transition gikan sa tig-ilinit padulong sa tig-ululan ukon rainy season.
Luwas diri, magapaulan naman sa nasidlangan nga bahin sang Mindanao, partikular na sa Caraga kag Davao region ang Trough ukon Extension sang Bagyo sa gwa sang Philippine Area of Responsibility.
Samtang Localized ukon makadali nga mga pag-ulan ang mabatyagan sa nabilin nga bahin sang Luzon kag Visayas.
Apang ini ang mas masami na nga ma-eksperyensyahan bangod sa naga-transition na ang tiyempo sa tig-ululan.
Samtang nagsanyog na bilang Tropical Storm ang bagyo sa gwa sang PAR, kag ini ang ginhatagan sang International Name nga JANGMI.
Ang Tropical Storm JANGMI ang ulihi nga nasiplatan sa 1,195 km sa nasidlangan sang Eastern Visayas.
Dala sini ang kabaskugon sang hangin nga nagadangat sa 65 km/h kag pagmadlos nga tubtob 80 km/h, samtang ini ang nagahulag padulong sa North-Northwestward nga dereksyon sa kadasigon nga 20 km/h.
Ini ang malayo pa sa landmass, apang ang Trough ukon Extension sang Bagyo ang nagaapekto na sa nasidlangan sang Mindanao.
Sa forecast track, ini ang mahimo magsulod sa PAR karun sa gab-i ukon bwas sa aga, bilang Tropical Storm ukon Severe Tropical Storm category kag hingadlan nga Bagyo DOMENG.
Mahimo nga malab-ot sini ang peak nga Typhoon category samtang yara sa Philippine Sea, tubtob nga maggwa sa PAR sa Lunes.
Apisar nga manubo ang tyansa sang paglandfall, ginalauman nga pasanyugon pa sini ang Southwesterly Windflow kag makatuga sang lapnagon nga mga pag-ulan sa dako nga bahin sang Visayas, pila ka bahin sang Mindanao, kag Southern Luzon sa Weekend tubtob sa Early Next Week.
