Amat-amat na nga nagahuyang ang kabaskugon sang Typhoon Marce karun nga yara sa kadagatan sa nakatungdan nga bahin sang Ilocor Norte.
Ang sentro sang bagyo ang ulihi nga nasiplatan sa coastal waters sang Pasuquin, Ilocos Norte.
Ini ang nagadala sang hangin nga may kabaskugon nga nagadangat sa 155 km/h kag pagmadlos nga tubtob 215 km/h, samtang ini ang nagahulag sa West Northwestward nga dereksyon sa kadasigon nga 10 km/h.
Nagapabilin sa Tropical Cyclone Wind Signal no. 4 ang Ilocos Norte, northernmost portion sang Ilocos Sur, northern portion sang Abra, northwestern portion sang Apayao, kag northwestern portion sang mainland Cagayan.
Signal No. 3 naman sa southern kag western portion sang Babuyan Islands, northern kag western portions sang Cagayan, nabilin nga bahin sang Apayao, central portion sang Abra, kag northern portion sang Ilocos Sur.
Signal No. 2 sa southern portion sang Batanes, nabilin nga bahin sang Babuyan Islands, nabilin nga bahin sang mainland Cagayan, northern kag western portions sang Isabela, nabilin nga bahin sang Abra, Kalinga, Mountain Province, northern portion sang Ifugao, northern portion sang Benguet, nabilin nga bahin sang Ilocos Sur, kag northern portion sang La Union.
Samtang Signal No. 1 sa nabilin nga bahin sang Batanes, nabilin nga bahin sang La Union, Pangasinan, nabilin nga bahin sang Ifugao, nabilin nga bahin sang Benguet, nabilin nga bahin sang Isabela, Quirino, Nueva Vizcaya, northern kag central portions sang Aurora, northern portion sang Nueva Ecija, kasubong man sa northern portion sang Zambales.
Subong nga Biyernes, lauman ang mabulubagyuhon nga panahon sa Ilocos Norte kag Ilocos Sur tuga sang Typhoon Marce.
Maulanon man ang panahon nga may kaupod nga mamadlos nga hangin sa Cordillera Administrative Region, nabilin nga bahin sang Ilocos Region, Batanes, kag Cagayan bangod sa bagyo.
May maeksperyensyahan man nga lapta-lapta nga mga pag-ulan sa Central Luzon kag nabilin nga bahin sang Cagayan Valley bangod sa Trough ukon ikog sang Typhoon Marce.
Mangin makanay naman ang panahon sa nabilin nga bahin sang pungsod, magluwas sa mga gulpyada kag makadali nga pag-ulan dala sang Localized Thunderstorms.
Santo sa track sang bagyo, ini ang pagapadayun sa nakatungdan nga dereksyon tubtob na nga makagwa sa Philippine Area of Responsibility karun sa hapon ukon sa gab-i.
Ang pugada sang northeasterly wind flow ukon hangin gikan sa naaminhan-nasidlangan amo ang magaduso sa bagyo nga magliko sa nabagatnan-nakatungdan sumugod sa Domingo.
Ginalauman nga magapadayun pa ang paghuyang sang bagyo sa masunod nga mga inadlaw bangod sa pagsugata sang mainit nga northeasterly wind flow.
Apang ini ang mapabilin sa Typhoon category samtang yara sa sulod sang PAR region.
